LAPU-LAPU CITY, CEBU-Sugdan na ning Lunes Nobyembre 18, 2024 ang ika-11 nga Meeting sa Council of ASEAN Chief Justices (CACJ) sa Shangri-La Mactan Resort sa dakbayan sa Lapu-Lapu, nga magtigom ang mga ‘top judiciary officials’ sa tibuok Southeast Asia aron palig-onon ang regional judicial collaboration.
Ang tulo ka adlaw nga kalihokan, nga sugdan gikan sa Nobyembre 18 hangtod 21, magtigom sa mga chief justices, senior judges, ug judicial leaders gikan sa 10 ka mga nasud nga miyembro sa ASEAN aron hisgutan ang dinalian nga mga isyu ug mga inisyatibo nga gitumong sa pagpauswag sa kooperasyon sa hudisyal sa rehiyon.
Kung diin, ang agenda naglakip sa mga panaglalis sa cross-border nga naglambigit sa mga bata, pagpaambit sa kahibalo sa trafficking in persons adjudication, pagpadali sa serbisyo sa mga prosesong sibil sulod sa ASEAN, ug mga pag-uswag sa pagdumala sa kaso ug court technology.
Sa pakighinabi sa Bombo Newsteam kang Police Lieutenant Colonel Christian Torres, ang tigpamaba sa LCPO, nga hugot ang ilahang pagpangandam para sa naasoy nga kalihokan, aron masiguro ang kahapsay og kalinaw.
Gidugang niini, nga adunay augmentation sa mga Kapulisan, gikan sa Police Regional Office-Central Visayas aron sa pagtabang kanila, hinungdan nga gidili una ang On leave.
Subay sa naasoy nga kalihokan, gisuspenso usab ang ‘permit to carry firearms’ gawas sa dapit atol sa naasoy nga panagtigom.
Ang CACJ nagsilbi nga usa ka hinungdanon nga plataporma alang sa mga opisyal sa hudikatura sa ASEAN aron mapalambo ang dayalogo, magpaambit sa kahanas, ug magpalambo sa mga inisyatibo nga nagpasiugda sa usa ka labi nga hiniusang pamaagi sa pagsulbad sa mga hagit sa transnational legal challenges in Southeast Asia.
