CEBU CITY-Gitumong sa Asia Society for Social Improvement and Sustainable Transformation o “ASSIST” nga mapalambo ang
green skills ug green jobs sa Sugbo sa ilang proyekto nga gitawag og “Sustain-Ability”.
Mao kini ang gipahibalo ni Francis Macatulad, ang program director sa ASSIST, nga ang iyang tumong sulod sa duha ka tuig mao ang 12,000 ka mga estudyante nga makakat-on sa industriya-related nga kurikulum nga adunay skills pinaagi sa koordinasyon sa 20 ka technical vocational institutions.
Matod niya, usa sa nagsuporta niini mao ang TESDA, nga nanghinaot nga ang construction ug agriculture industry mogamit og green skills sa technical vocational curriculum.
Gidugang pa ni Macatulad nga dili lang ang mga estudyante ang kinahanglang makakat-on og green skills kondili lakip na ang upat ka nag-unang sektor sa construction industry, metal ug engineering, automotive ug land transportation, ingon man ang agrikultura, forestry ug fisheries.
