Nagtigom ang grupo sa mga palahubog aron magprotesta batok sa pagsaka sa presyo sa ilimnon sa Ghana.
Sumala sa Ghana Drunkards Association, nagpahigayon sila og demonstrasyon sa siyudad sa Accra aron hangyoon ang gobyerno nga paminawon ang ilang mga kabalaka ug pangitaan og solusyon ang nagkataas nga presyo sa ilimnon.
Matod ni Moses Onyah, presidente sa grupo, nga nabati sa ilang kapin 6.6 milyon ka miyembro ang 15 porsyento nga pagsaka sa presyo sa ilimnong makahubog.
Ingon man nga naghatag ang grupo og tulo ka semana nga ultimatum sa gobyerno aron sulbaron ang isyu ug nanawagan og tabang gikan sa ilang kanhing Presidente nga si John Dramani Mahama.
Bisan pa og kataw-anan paminawon, ang Ghana Drunkards Association (GDA) usa sa mga labing mailhan nga asosasyon sa Ghana, nga adunay kapin 6.6 milyon ka miyembro.
