Natapos na ni Trae Young ang iyang karera sa pagduwa sa Atlanta Hawks human miuyon nga i-trade sa Washington Wizards.
Gipulihan si Young nila ni CJ McCollum ug Corey Kispert.
Si Young migugol og 7 ½ ka tuig sa Atlanta, diin iyang gipangulohan ang team sa Eastern Conference Finals niadtong tuig 2021.
Sa wala pa ang trade, ang Atlanta adunay 18-21 nga rekord ug sa Eastern Conference.
Bisan pa, ang pagdula ni Young sa miaging napulo ka duwa wala mabungahon tungod sa 2-8 nga win-loss record sa team matag higayon nga magduwa ang 27-anyos nga All-Star guard.
Sa pagsugod sa kasamtangang season, nag-antos siya og MCL sprain ug gipailalom sa daghang serye sa mga pagtambal. Bisan kung mibalik na siya sa pagdula, ang iyang presensya sa hardcourt nagpabilin nga dili makanunayon.
Atol sa kapin pito ka tuig nga pagduwa ni Young sa Hawks, siya ang nahimong lider sa tanang panahon sa 3-pointers (1,295) ug assists (4,837).
Sa laing bahin, si McCollum nag-average og 18.8 puntos, 3.6 assists, 3.5 rebounds, ug 45.4% gikan sa field karong season. Siya ang leading scorer sa mabulukon nga Washington team atol sa iyang panahon uban sa team.
