CEBU CITY-Ang buwan sa oktubre ang gitawag ug breast cancer awareness month.Subay niini atong sayron kung unsa ang breastcancer.
Matud ni Dr. Rene Josef Bullecer sa dihang nahinabi sa Bombo Radyo Cebu nga ang breastcancer usa ka sakit sa totoy nga sagad makuha sa mga kababayn-an.
Sigon sa pagtoon nga 25 ka indibidwal matag adlaw ang mamatay niining sakita og dul-an 60 ka book ang madiagnosed usab niini kada adlaw.
Gipahibalo ni Bullecer ang mga ‘risk factor’ ug timailhan sa breastcancer.
Masuta matud pa kung ang babae dunay possible (breast) cancer kung ang totoy niini nagpuwa ang palibot sa atngal, dunay bugon, dunay hubag o bugon ang ilok, dunay kandi-is ang totoy, ang usa ka totoy lahi ang direksyon o wala naglevel, ug kung ang totoy dunay mugawas nga discharges sama sa ‘na-na’ o dugo.
Kung kini masinati, kinahanglan nga mupahiling dayon sa doktor para mahibaw-an ang ‘chance of survival’ sa pasyente.
Dason ni Bullecer nga kung ang naasoy nga cancer naa sa stage 0, 90-100% ang survival sa pasyente. Kung naa na sa stage 2, 90 % survival, Stage 3–naa sa 70%, ug kung Stage 4 na–naa na lang kini sa 20% survival.
