CEBU CITY – Gitudlo isip bag-ong president sa chief-of-executive officer sa Bases Conversion and Development Authority (BCDA) si Atty. Aristotle “Totol” Batuhan.
Kini human mibiya sa katungdanan si kanhing presidente ug chief executive officer (CEO) nga si Vivencio Dizon.
Mikanaog si Dizon gikan sa iyang katungdanan kaniadtong Oktubre 15 aron pagkuha usa ka “mas mahagiton nga papel isip Presidential Adviser for COVID-19 response”
Nasayran nga si Batuhan usa sa miyembro sa BCDA Board of Directors ug usa usab ka myembro sa board sa North Luzon Railways Corp., Fort Bonifacio Development Corp., Bonifacio Water Corp., Bonifacio Communication Corp., Filinvest BCDA Clark, Inc., ug Philippine Japan Initiative CGC, Inc.
Mapasalamaton kaayo kini sa maong oportunidad gumikan taas-taas na usab ang panahon nga miserbisyo kini sa maong ahensya./BJR
