Gipaambit sa film producer ug abogado nga si Atty. Joji Alonso ang kinasingkasing nga pamalandong sa journey nga giagian sa iyang anak nga aktor, nga si Atty. Nico Antonio, human kini nakapasar sa bar exam.
Sa usa ka post sa Instagram, giangkon ni Joji nga usahay wala niya damha nga ang iyang anak makaabot sa punto diin siya mahimong usa ka hingpit nga abogado.
Sumala niya, bisan og nakagradwar si Nico sa law school niadtong 2014, balik-balik niyang gi-postpone ang pagkuha sa bar exams tungod sa sunod-sunod nga mga proyekto sa telebisyon ug salida.
Dugang pa niini nga mas nilisod ang pagkuha ni Nico sa exam gumikan gawas sa usa ka aktor, nagsugod na kini sa iyang kaugalingong pamily.
Tulo ka tuig ang milabay, gisubli ni Nico ang iyang determinasyon nga tapuson ang iyang gisugdan. Sumala ni Joji, nakita niya ang kusgan nga tinguha sa iyang anak nga magmalampuson tungod grabe ang iyang pagtuon.
Dugang niya nga bisan sa tunga-tunga sa mga eksamin sa bar, si Nico nagpadayon gihapon sa pagtrabaho, lakip ang pag-shoot sa pipila ka mga eksena alang sa salida nga “UnMarry” taliwala sa mga adlaw sa eksamin aron matuman ang mga deadline sa produksiyon.
Gipasigarbo ni Joji nga ang kalampusan ni Nico usa ka milestone alang sa ilang pamilya.
