Nahimong sentro sa atensyon sa pageant community si kanhing Chief Presidential Legal Counsel Salvador “Sal” Panelo human siya nagsilbing miyembro sa Selection Committee alang sa Miss Universe Pakistan 2026.
Kabahin si Panelo sa pagpili sa mananaog atol sa grand coronation night niadtong Agosto 18, diin ang contestant gikan sa Lahore nga si Misbah Arshad midaog sa korona isip opisyal nga representante sa Pakistan sa umaabot nga Miss Universe pageant.
Ang Miss Universe Pakistan gidumala sa Dubai-based Yugen Group ug gipangulohan sa Pilipinong negosyante nga si Josh Yugen isip national director.
Kini nga organisasyon mao usab ang naghupot sa mga prangkisa alang sa Miss Universe Pakistan, Miss Universe Egypt, ug Miss Universe Bahrain.
Tungod niini, kanunay nga miapil sa ilang mga kalihokan ang mga prominenteng personalidad ug eksperto gikan sa Pilipinas.
Si Panelo nailhan isip kanhing tigpamaba sa presidente ug chief legal counsel ubos sa administrasyon ni kanhing Presidente Rodrigo Duterte, sa wala pa siya miapil isip hurado sa internasyonal nga beauty pageant.
