CEBU – Gi-aprobahan sa Australia ang usa ka bag-ong tambal nga makaayo sa usa ka matang sa malaria alang sa mga bata ug mga teenagers.
Gi-anunsiyo ang pag-aprobar niadtong Lunes sa nonprofit Medicines for Malaria Venture (MMV), kinsa nakatabang sa pagpalambo sa tambal nga adunay GlaxoSmithKline (GSK).
Kini alang sa usa ka dosis sa tafenoquine (Kozenis) nga gamiton inubanan sa traditional malaria drug chloroquine.
Kini usab ang unang higayon nga gitugotan kining magamit sa mga bata ug gipanglantawan nga makakuha pa og daghang pag-apruba sa tibuok kalibutan.
Makaayo ang Tafenoquine sa usa ka matang sa malaria nga gipahinabo sa Plasmodium vivax, nga kasagarang natala sa South ug Southeast Asia, South America ug sa Horn of Africa.
Ang P. vivax ang gitahong hinungdan sa dul-an 5 ka milyon nga impeksyon sa malaria matag tuig diin ang mga bata nga nag-edad og 2 hangtod 6 anyos ang kasagarang mataptan.
Giklaro ni George Jagoe, usa ka executive vice president sa MMV, nga isumiter pa ang maong tambal alang sa pag-aprobar sa 9 ka mga nasod lakip na ang World Health Organization (WHO).
Niadtong Hulyo 2018, giaprobahan sa U.S. Food and Drug Administration ang 300 milligrams nga tafenoquine para sa P. vivax malaria sa mga pasyente nga nagpangedaron og 16 anyos pataas, ug ang Australia, Brazil, Thailand ug Peru misunod sa susamang mga pag-apruba.
Gamiton ang maong tambal sa mga abta pinaagi sa paghumol sa single 50-milligram tablet ngadto sa tubig.
