Gipahibalo ni Australian Prime Minister Anthony Albanese nga ilhon sa Australia ang estado sa Palestine sa umaabot nga sesyon sa United Nations (UN) General Assembly sa Setyembre 2025.
Sumala ni Albanese, ang desisyon gihimo human makuha sa Australia ang mga pasalig gikan sa Palestinian Authority, lakip ang demilitarization, pagpahigayon sa eleksyon, ug padayon nga pag-ila sa Israel sa rehiyon.
Matud pa niini nga kini ang labing maayo nga paglaum sa katawhan, nga nagtumong sa usa ka solusyon sa duha ka estado alang sa kalinaw sa Tunga-tungang Sidlakan.
Ang pahayag gihimo human sa mga pakigpulong sa mga lider gikan sa UK, France, New Zealand, ug Japan.
Ingon man nga kusganong gisupak sa Israel ang maong lakang, nga nag-ingon nga gitanyagan niini ang mga terorista, labi na samtang nagpadayon ang opensiba batok sa Hamas sa Gaza, diin kapin sa 61,000 ka mga tawo ang gitaho nga namatay sukad 2023, sumala sa Hamas-run health ministry.
Sa laing bahin, ang Palestinian Authority miingon nga ang pag-ila sa mga nasud maoy pamatuod sa nagkadako nga suporta sa katungod sa mga Palestinian sa kaugalingong paghukom.
Dugang pa, gipasalig ni Albanese nga dili kini maghatag og papel sa Hamas sa bisan unsang dugang nga interbensyon sa Palestine.
Samtang, ang Estados Unidos nagpabilin nga dili kini ilhon ang estado sa Palestine sa pagkakaron, tungod sa kakulang sa usa ka epektibo nga gobyerno.
Gisaway ni Israeli PM Benjamin Netanyahu ang Australia ug mga nasod sa Uropa tungod sa ilang lakang, nga iyang gitawag nga “makauulaw.”
Sa pagkakaron, 147 ka nasod sa 193 ka membro sa UN ang miila sa estado sa Palestine, nga adunay status nga “permanent observer state” sa organisasyon. | Bombo El jona Cañete
