CEBU CITY- Gipasakaan o kasong may kalapasan sa PD 1727 o anti Bomb Joke ug Alarm and scandal ang usa ka Australian National ug ang kauban niini human nga magbomb joke sulod sa gi-rentahan niini nga hotel sa Barangay Kamputhaw dakbayan sa Cebu.
Giila ang mga nasikop nga sila si Jamie Allan Morgan 48 anyos, Carmile Pasco, 19 anyos ug Myla Tugbong 20 anyos.
Una niini, nabulabog ang mga staff sa naasoy nga hotel human nakita niini ang samin sulod sa maong lawak nga adunay nakasuwat nga ‘bombing’ ug matud pa aduna pay kahon nga gibutang.
Dali nga mitawag sa pulis ang staff sa hotel ug gisumbong ang 3 apan giingon nila nga naduwa-duwa ra sila og komedya lang ang tanam.
Matud usab ni Police Chief Inspector Maria Theresa Macatangay ang hepe sa PS 2 nga dili maayo nga komedya ang gihimo sa 3 ilabina kay nakafull alert ang PNP karon tungod sa pagbisita ni Presidente Rodrigo Duterte sa Cebu ugmang adlawa.
