CEBU CITY-Ipanghatag sa kagamhanang dakbayan sa Sugbo ang ayuda niini para sa mga registered Persons-with-Disabilities (PWD) sa umaabot Disyembre 14, 2024.//
Kini human sa gihimong pag apod-apod sa financial aid ngadto sa mga Senior Citizens sa dakbayan diin gisugdan niadtong nalakabayng semana.//
Sigon kini sa pahibalo nga gi-anunsyo sa kagamhanang dakbayan apan ang venue sa pagpanghatag kay wala pa gibutyag sa pagkakaron apan poibling sa susamang paagi gihapon sa pagpanghatag sa ayuda sa mga Seior Citizens nga gipahinabo sa nagkadaiyang barangay.//
Base sa nakalabayng pagpanghatag, adunay mokabat sa 13,000 ka registered PWDs dinhi sa dakbayan sa Sugbo nga makadawat sa P1,000 matag buwan nga financial assistance gikan sa kagamahan dakbayan.//
Ingon man nga gidasig sa Cebu City Department of Social Welfare Services (DSWS) sa publiko sa pagdangop sa ilang buhatan kung adunay pangutana kabahin sa ipahigayong kalihukan.//
Gawas sa distribution sa PWD financial aid, ang kagamhanan sa dakbayan mipahibawo usab nga dunay himoon nga laing city-wide clean-up drive unya sa Disyembre 14.
