CEBU CITY-Gikalibogan ni Kanhi Barangay Apas Kapitan Ramil Ayuman ang pasangil ni Konsehal Niña Mabatid nga siya ug si kanhi konsehal Jun Alcover ang nagpaluyo sa reklamo sa 3 ka babae nga empleyado sa City Hall nga mikiha og sexual harassment batok kang Lorenzo Basamot, ang Department of General Services Division Head.
Sa pakighinabi sa Bombo Radyo Cebu kang Ayuman atol sa tulumanong Zona Libre, nagkanayon kini nga wala silay labot sa maong issue ug gigamit lamang nga sayong rason ang giingong “pagpamulitika”.
Pagtoo ni Ayuman ni nga gi-divert lang ni Mabatid ang issue ug nagpabiktima-biktima nasad kini.
Gumikan na usab kay matud ni Ayuman nga kanhi linya sila ni Mabatid niadtong pinili-ay ug nasayod siya sa batasan niini nga usa ka ‘soloista’ ug iya lang kining gi-utong gumikan kay maguba ang ilang grupo.
Dugang pa ni Ayuman nga gigamit lamang ni Mabatid ang politiko sa pagproteher sa iyang kaugalingon sukwahi matud pa sa iyang komitiba karon nga mao ang Women and Family Affairs apan daw sama nga dili mao ang gipakita niini nga aksyon.
