Human nga nangayo og hinanaling tabang ang Liloan Municipal Police Station sa publiko aron maila na ang usa ka babayeng biktima sa gitoohang biktima sa pagpanuok nga nahitabo niadtong Oktubre 24, 2025.
Sa katapusan, nailhan na ang maong babaye nga naila sa pangan nga Estela Leyte Ligaray, 44 anyos, lumad nga taga Purok Malinawon, Brgy. Poblacion, Toboso, Negros Occidental, apan kini anaa nagpuyo sa kasamtangan sa Kanmangasang, Brgy. Adela, Poro, Camotes, Cebu.
Kahinomdoman nga kompirmadong patay ang maong biktima kini human gitoohang gituok hangtud nga mamatay sulod sa San Fernando El Rey Church, San Fernando, Poblacion, Liloan, Cebu.
Diin, sumala sa imbestigasyon sa Liloan Municipal Police Station, gikabutayag ni Police Chief Master Sergeant Arni Goc-ong nga anaa sa 30-anyos ang pangedaron kinsa nakapalgang nagbuy-od sa ganghaan sa maong simbahan, ug adunay natikdang samad sa ulo, duguan ang ilong, ug adunay markang itom sa liog nga bahin niini nga gikonsiderang timaan sa pagkabun-og.
Busa, si Ligaray gidala dayon sa Danao District Hospital, apan siya gideklarar nga dead on arrival.
