Kay wala man nakauyon, walay singsing sul-ubon.
Kini ang panghitabo sa usa ka paresan sa manag-uyab human mibalibad ang babaye mutando sa sugyot sa kaminyuon sa lalaki kay daw napalit ra sa groceryhan ang singsing niya isip engagement ring.
Nagbalo ang singsing sa $898 nga wala nakahatag og kalipay sa hinigugma niini kay diay nangandoy kini sa mas mahalon ug maluho nga klase sa singsing isip simbolo ilang hinigugmaay.
Ang babaye ng gitago sa pangalang “Priscilla” kay maoy ni-post sa pakyas nga marriage proposal sa iyang uyab diin nag-screenshot pa kini sa ilang mga mensahe sa iyang kasagmuyo sa baratohong singsing nga gidalit sa iyang boyfriend.
Pasangil pa niini nga ang iyang uyab nga si “Tyler” wala naminaw kaniya sa iyang kondisyon sa singsing nga paliton aron iyang sul-ubon.
Apan naka-ani kini og managlahing reaksyon sa mga netizens diin adunay pipila ang midapig sa lalaki kay matod pa dili masukod sa balor sa kwarta ang tiunay nga gibug-aton sa gugma.
Ingon man aduna pud uban ang miuyon sa babaye kay kamao siya sa iyang ganahan og dapat tumanon kini sa iyang muabot nga mapangasawa.
