-- ADVERTISEMENT --
CEBU CITY-Aduna nay suspetsado ang Mambaling police station sa responsabli sa pagpusil patay kang Adessa Fernandez sa Sitio Lawis, Alaska Mambaling sa dakbayan sa Sugbo.
Nasayran nga ang suspetsado usa ka Children in Conflict with the Law (CICL) apan bag-o lang na release sa Operation Second Chance.
Matod ni Police Colonel Ireneo Dalogdog, hepe sa kapulisan sa dakbayan sa Sugbo nga nasuko ang suspetsado tungod kay gihulga ni nga isumbong sa police bahin sa illegal niini nga kalihukan.
Ang biktima nga si Fernandez bag-o lang usab naka gawas sa Cebu City Jail nunot sa kalambigitan sa illegal nga drugas.
