CEBU – Nalandig sa tambalanan ang usa ka babaye human kini nga nadasmagan sa Ceres bus sa may Sitio Lutao, Barangay Estaca, lungsod sa Compostela, pasado alas 6 kaganihang buntag.
Giila ang biktima nga si Bernadeth Borja Atis, residente sa Barangay Jubay, Liloan, Cebu.
Gisaysay ni Police Lieutenant Andrew Montesclaros Rellanos, ang hepe sa Compostela Police Station, nga milabang ang biktima sa dihang nadasmagan kini sa naasoy nga passenger bus.
Ang driver sa bus ang giila nga si Ruben Lumbab Catipan, 42 anyos.
Matud ni PLt. Rellanos nga misulay paglikay ang bus sa biktima apan naka-igo na hinuon kini ug pribadong sakyanan nga gimaneho ni Karl Christian Baculpo Lora.
Hinuon, wala may natala nga namatay ug bugtong si Atis lang ang naangol sa maong insidente nga daling gidala sa tambalanan.
Ang tulo ka habig ang nagkasabot lang ug ang bus company ang mi-ako sa tanang medical expenses sa biktima, lakip na ang gasto sa pagpa-ayo sa naangol usab nga pribadong sakyanan.
