Cebu City– Wala pa gihapon masuta ang identity sa babaye nga napalgang patay didto sa kasagbutan sa Brgy Pulang Bato dakbayan sa Sugbo .
Matud ni Police Senior Inspector Arieza Otida, hepe sa Talamban PNP nga dili na gayud maitsura ang dagway sa biktima tungud sa mga samad nga naangkon niini sa iyang nawong. Matud pa ni Otida nga posibleng gidakdakan og bato ang maong biktima human nakita sa tapad niini ang usa ka bato nga adunay lama sa dugo.
Gihulagway ang maong babaye nga nag pangedaron pa lamang ug 15 ngadto sa 17 anyos. Nakita usab sa crime scene ang mga botelya sa makahubog nga ilimnon. Matud sa mga residente nga sagad nga adtuon sa mga grupo sa mga kabatan-unan ang maong lugar aron sa pagtambay tambay. Posible usab nga naa sa 2 ngadto sa 3 ka mga suspect ang mihimo sa maong krimen. Nasuta usab sa kapulisan nga gawas sa samad niini sa iyang nawong, wala nay nakit-an ang mga kapulisan magluwas lamang sa mga gas gas sa iyang bitiis nga posibleng hinungdan sa iyang pagsukol sa mga suspek.
Sa pagkakaron gibaubos na sa eksaminasyon ang lawas sa maong babaye ingon man ang bato nga adunay lama sa digo nga maoy gituohang gigamit sa pagdakdak sa ulo sa biktima.
