CEBU CITY-Nagtingkagol karon sa prisohan ang 46-anyos nga babaye nga taga Brgy. Sto. Niño ning dakbayan sa Sugbo tungod kay makalimot kini og bayad sa iyang gi-order nga mga lami
nga pagkaon kung mabusog na kini.
Giingon nga ang gi-order sa suspek kay nagkantidad og kapin sa P1,300 sa usa ka kan-anan sa Cebu Business Park.
SA dihang gihatagan na kini og bill ug gipaningil kay ni-aksyon kini og ikyas hinungdan nga gidakop kini sa mga tawo ug gi-turn-over sa Mabolo Police Station.
Nasayran nga dili lang kini ang unang higayon nga gireklamo ang suspek apan, dili kini mahinayon ang mga kaso nga gisang-at batok kaniya tungod nakabantay ang mga biktima nga adunay deperensya sa panghuna-huna ang babaye.
Apan, karon nag-atubang na kini og kasong kalapasan sa Article 318 o Other forms of deceit ang maong dinakpan.
