CEBU – Patay ang usa ka babaye nga nagmaneho sa motorsiklo human na-aksidente sa national higway sa Cansomoroy lungsod sa Balamban.
GIkatahong nahitabo ang aksidente pasado alas 6 kagabii Hunyo 2, 2022.
Giila ang namatay nga si Maria Amelita T. Canumay, hamtong ug residente sa Barangay Awihao sa syudad sa Toledo samtang na-angol sa aksidente ang angkas niini nga si Janine Rico.
Base sa imbestigasyon sa kapulisan, nasayran nga nitadlas ang mga biktima sa maong dapit apan kalit lang nga nawad-an og kontrol si Canumay sa gimanehong motorsiklo ug mibalingis kini nga niresulta sa ilang pagkahulog sa concrete canal sa maong national road.
Gidali pagtabang ang mga biktima sa mga responders sa maong lungsod ug gidala sa hospital apan nakabsan sa iyahang kinabuhi si Canumay.
