Gidakop sa mga awtoridad ang usa ka babaye sa Thailand human kini sekretong nagpakuha og mga hulagway ug video sa iyang pagpakighilawas sa mga monghe aron makakuwarta.
Giila ang suspek nga si “Ms. Golf” kinsang nang-blackmail sa siyam ka mga monghe nga nakighilawas kaniya, gamit ang ilang mga video sa ilang binuhatan.
Basi sa mga kapulisan nga ang babaye kay gibana-banang nakaginansya na og 385 milyon nga baht sa miaging tulo ka tuig pinaagi sa pag-blackmail sa mga monghe.
Nakit-an sa balay ni Ms. Golf ang kapin sa 80,000 ka mga hulagway ug mga video nga iyang gigamit sa paghadlok sa mga monghe hinungdan nga dali kining gidakop.
Ang monghe usa ka lalaki nga miyembro sa usa ka relihiyosong grupo nga nagpuyo sa usa ka yano, disiplinado nga kinabuhi, ug adunay panaad nga dili magminyo o makigsekso, ug mosunod sa mga mando sa iyang komunidad o relihiyon.