Babaye patay, 10 samdan sa pag-atake sa terorismo sa Beersheba central bus station, Israel; Mi-atake, gipusil-patay

ISRAEL-Patay ang 25-anyos nga babaye samtang 10 ang samdan human nadungog ang mga buto sa Beersheba central bus station sa habagatang Israel gahapong adlawa, Oktubre 6.

Matud sa taho nga giklasipikar sa pulisya ang insidente ug giinging usa ka terror strike ang insidente.

Ingon man nga ag ang mi-atake kay napusil-patay.

Kasamtangang gisusi sa kapolisan kung ang pag-atake nalambigit ba sa pagpanunggab ug pagpamusil sa terorista.

Sumala sa Israeli defense authorities nga ang terorista nga nagpaluyo sa pag-atake sa terorismo kay giila nga si Ahmad al-Uqbi, 29-anyos, gikan sa Hamlet sa Bedouin duol sa lungsod sa Lakiya.

Si Al-Uqbi naghupot sa pagkalungsoranon sa Israel ug adunay criminal record.