INDIA-Nakigbuwag ang babaye sa iyang bana human kini giingong wala nakapalit og ‘Kukure’ usa ka sikat ka snack sa India.
Sumala sa taho, nga ang babaye na-adik sa maong pagkaon ug mihangyo sa ang iyang bana nga mopalit og usa ka pakete matag adlaw apan, adunay usa ka adlaw nga nakalimtan niini nga mopalit hinungdan nga mibiya ang babaye sa ilang balay human sa panaglalis sa iyang bana.
Mibalik siya sa balay sa iyang ginikanan ug gikatahong nipuyo sulod sa usa ka bulan ug tunga sa wala pa siya midangop sa kapolisan ug nangayo og diborsyo.
Gani, gipatawag sa kapulisan sa Shahganj sa Agra ang magtiayon alang sa family counselling.
Nasuta nga ang magtiayon nagpakasal sa miaging tuig ug sa sinugdanan daw maayo pa ang tanan apan, natingala ug nabalaka sa dihang ang gipangandoy sa iyang asawa makapalit og junkfood matag adlaw.
Hinuon, ang asawa niingon nga nibiya siya sa balay sa iyang bana kay gikulata siya.
Giimbestigahan na usab sa kapulisan ang pasangil niini.
