WISCONSIN, MADISON-Naluwas ang usa ka bata nga natulog human nga ang usa ka saag nga bala inay nga muigo niini, didto kini miigo sa baby shark nga duwaan– usa nalang gyud ka pulgada ang gilay-on.
Narekober ang maong bala sa maong duwaan sa 3 anyos nga giilang si Aziyah. Sigon pa sa mga kapulisan nga kung wala pa nakababag ang maong duwaan sa bongbong sa kwarto, si Aziyah gyud ang maigo niini.
Nasuta nga ang bala ang gikan sa usa ka gunfight dool sa University of Wisconsin sa Madison. Apan dili pa tino kung unsa ang hinungdan sa pagpinusilay.
Pagsaysay usab sa inahan sa bata nga sa dihang nabati niini ang mga buto-buto, dali dayon kini nga misulod sa kwarto sa iyang anak aron kini gakson.
Sa pagkakaron, padayon pa nga gipangita ug gisuta ang responsable sa pagpamusil.
