Mabulukon nga pasundayag sa kultura sa Puerto Rican ang gipasiugda ni Bad Bunny atol Levi’s Stadium sa Super Bowl halftime show niadtong Domingo, uban sa mga pagpakita nila ni Lady Gaga, Daddy Yankee, ug Ricky Martin.
Kini gisundan sa record-breaking performance ni Kendrick Lamar sa miaging tuig nga nakaabot sa kapin 130 milyon nga mga tumatan-aw.
Si Bad Bunny, o sa tinuod nga kinabuhi nga si Benito Antonio Martínez Ocasio, nagpakita sa iyang Puerto Rican heritage, gamit ang reggaeton style.
Nagsul-ob og puti nga suit, ang Grammy Award winner nagbukas sa show gamit ang kantang “Tití Me Preguntó,” nga gibutang batok sa backdrop sa kinabuhi sa Puerto Rican nga nagpakita sa mga mag-uuma nga nagputol sa tubo, mga tigulang nga nagdula og domino, ug mga tigbaligya og lubi ug piragua.
Gipakita usab ang iconic casitas gikan sa iyang 2025 residency sa San Juan ug ang mga mibuto nga poste sa kuryente, usa ka pahinumdom sa kanunay nga blackout sa isla.
Sa ikaduhang entablado, ang “La Casita,” iyang gikanta ang “Yo Perreo Sola,” “Safaera,” ug “Party,” samtang ang mga sikat nga artista sama nila ni Pedro Pascal, Karol G, Cardi B, ug Jessica Alba nakita nga nagsayaw sa mga tawo.
Laing highlight sa eksena mao ang iyang pagkahulog gikan sa entablado samtang nadakpan siya sa mga fans ug miawit uban sa “Voy a Llevarte Pa’ PR,” sa wala pa mobalhin sa usa ka puti nga trak para sa usa ka medley sa mga klasiko sa reggaeton ni Daddy Yankee, Don Omar, ug sa iyang kaugalingong “EoO.”
Nalipay usab ang mga fans sa dihang si Lady Gaga, nga nagsul-ob og asul nga gown ug flor de maga sa iyang dughan, migawas para sa usa ka salsa rendition sa “Die With a Smile” uban sa batan-ong Puerto Rican band nga Los Sobrinos.
Si Ricky Martin miapil dayon kaniya para sa “Lo Que Le Pasó a Hawaii,” nga naghulagway sa nagpadayon nga gentrification sa isla. Sa pagtapos, miawit si Bad Bunny og “Café con Ron” uban sa Los Pleneros de la Cresta, nga nagpaila sa mga tumatan-aw sa tradisyonal nga plena.
Sa kataposang bahin sa pasundayag, ang superstar miawit sa “God bless America” ug misunod sa roll call sa mga nasod sa kontinente samtang gidala ang ilang tagsa-tagsa ka bandila—usa ka mensahe sa panaghiusa ug pag-decente sa ideya nga ang “America” usa lang ka nasod.
Bisan pa, ang pagpili kang Bad Bunny isip halftime performer nakadawat usab og mga pagsaway, lakip na gikan ni U.S. President Donald Trump ug pipila ka konserbatibong grupo, tungod sa prangka nga pagsaway sa mag-aawit sa mga palisiya sa imigrasyon sa Amerika. Si Trump miingon sa iyang social media post: “absolutely terrible.”
