Gipasiugda ni Presidente Ferdinand Marcos Jr. ang bag-ong balaod sa gobyerno nga gidesinyo aron mapadali ang pag-angkon og right-of-way para sa mga dagkong proyekto sa imprastraktura atol sa iyang ikalima nga State of the Nation Address (Sona) niadtong Lunes, bisan pa nga giila sa mga opisyal sa Cebu City ang wala pa masulbad nga pag-angkon og yuta isip pangunang obstacle sa pagkalangan sa dugay nang gipaabot nga Cebu Bus Rapid Transit (CBRT).
Atol sa SONA ni Marcos, gihisgutan niini ang CBRT isip usa sa nagpadayon nga mga proyekto sa transportasyon sa administrasyon nga giablihan na sa unang operational segment.
Gipunting sa Presidente ang Republic Act No. 12289, o ang Accelerated and Reformed Right-of-Way (ARROW) Act, isip tubag sa gobyerno sa usa sa pinakadakong hinungdan sa mga paglangan sa mga flagship infrastructure projects.
Diin, gipirmahan niadtong Septiyembre 12, 2025, ang ARROW Act nag-amyenda sa Republic Act No. 10752 aron mapadali ug mapaspas ang pag-angkon sa mga pribadong propiedad nga gikinahanglan alang sa imprastraktura sa gobyerno.
Kagahapon, sa wala pa ang SONA sa Presidente, giangkon ni Cebu City Mayor Nestor Archival nga ang pag-angkon sa right-of-way mao ang nagdominar sa mga diskusyon atol sa usa ka miting uban sa Regional Project Monitoring Team sa Regional Development Council sa Central Visayas.
Matod niya nga ang nasudnong gobyerno naggahin na og badyet alang sa pag-angkon sa right-of-way, ilabina sa F. Vestil, usa sa mga kritikal nga koridor nga gikinahanglan alang sa CBRT.
Sumala sa mayor, ang nasudnong gobyerno naka-download na sa katunga sa pondo ngadto sa Cebu City, nga nagtugot sa siyudad sa pagbayad sa mga apektadong tag-iya sa yuta.
Bisan pa, ang proseso sa pagbayad mihinay human nadiskobrehan sa siyudad nga daghang mga dokumento sa transaksyon ang nagdala gihapon sa ngalan sa miaging administrasyon sa siyudad.
Matod niya nga ang mga opisyal sa dakbayan nagpadayon karon sa pag-update sa mga dokumento ubos sa kasamtangang administrasyon sa dili pa i-release ang mga bayranan ngadto sa mga tag-iya sa propiedad.
