Pormal na nga milingkod si PCOL Patricio C. Degay isip Provincial Director sa Bohol PPO sa gipahigayon nga Turn-Over of Command sa Bohol Police Provincial Office (BPPO) PNP BOHOL sa Camp Dagohoy, Tagbilaran City, Bohol.
Diin nanguna sa maong kalihukan si PBGEN Redrico Atienza Maranan, ang Regional Director sa PRO7 kauban si PCOL Lorenzo Alfeche Batuan, Chief, RPHRDD, PRO7 ug PCOL Kimberly Moletas, Chief, RCADD, PRO7.
Si PCOL Degay, miyembro sa PNPA MAGILAS Class 2000 ug classmate ni PCOL Batuan nga kanhi PD sa BPPO kaniadtong 2022 hangtud sa 2024.
Gipaambit sa bag-ong hepe nga ipa-mentinar niini ang mantra sa Regional Director diin pinaagi sa 7 point of agenda.
Sa pikas bahin, nanguna si Degay sa pagpahigayon og “Surprise Drug Test” sa tanang opisyal sa Kampo Dagohoy, NSUs ug mga COPs sa kalungsuran sa Bohol.
Nimando usab kini nga ipadayon ang kinalit nga drug test agi’g pagpangusog sa BPPO sa kampanya kontra sa ginadili nga drogas.
