Bag-ong himugso nga Bata, gibilin sulod sa Paper Bag

DAVAO CITY- Napalgan ang usa ka bag-ong himugso nga batang sa Lanzona Subdivision, Matina Aplaya, Davao City, gahapong adlawa, alas 5 sa hapon,Marso 20, 2025.

Ang maong bata gisulod sa usa ka paper bag nga aduna pay pusod.

Subay sa sulat nga gibilin, ‘Brian Drake’ ang ngalan sa bata ug gianak kini sa Marso 20 ning tuiga.

Gani, nangayo og pasaylo ang nagbilin sa bata gumikan dili matud pa niini kayang buhion ang bata.

Hinoon, anaa na sa maayong kahimtang ang bata ug padayon pang ginaimbestigahan sa otoridad ang nagbilin niini.(DCDO)