Walay malfunction sa test run sa bag-ong automated voting machines (AVMs) nga gamiton alang sa 2025 midterm elections nga gipahigayon sa Rizal College of Taal, Batangas
Matod ni Commission on Elections (Comelec) spokesperson Atty. John Rex Laudiangco, maayo kaayo ang performance sa bag-ong Automated Counting Machines.
Dugang pa, nga gisulayan usab kini sa mga magtutudlo, estudyante ug pipila ka opisyal sa gobyerno ug maayo ang sistema sa giingong mga bag-ong makina.
Kon itandi sa nangaging mga VCM ug Smartmatic’s Precinct Count Optical Scan (PCOS) machines, ang automated counting machines mas paspas ug mas maayo ang feature.
Kung diin mas paspas nga mobasa ang makina nga anaa sa 200mm matag segundo kung itandi sa miaging makina nga 70mm matag segundo.
Dugang pa, aduna usab ka dako nga screen diin makita sa botante ang imahe sa balota ug kung giunsa ang pag-ihap sa iyang boto dugang pa sa pagkupot sa mas dako nga resibo.
Laing importanteng bahin sa bag-ong ACMs mao nga human sa mga botohan, ang Comelec nakaprinta na sa unang 8 ka election returns, na-transmit na usab ang resulta ug ang giimprinta nga 22 ka election returns makita sa big screen.
