Kakurat ang nisugat sa kabuntagon sa mga residente sa Gotianuy St., Cebu City, kaganihang alas 7 sa buntag, Enero 20.
Matod pa,sa dihang napalgan ang maong masusong babaye, nagkadugo pa kini sulod sa usa ka karton nga nakaputos og eco bag, ug namatyagan kini sa mga indibidwal nga duol sa maong dapit tungod sa hilak niini.
Subay sa panghitabo, dali kining girespondihan sa mga kapulisan nga anaa na assign sa Police Outpost sa Mango Ave., dayun gidala kini sa tambalanan ang maong masuso.
Gituohan nga ang mga residente duol sa dapit nga maoy naka diskobre sa nag hilak nga bata, ug posibling kadlawon pa gibilin ang batang babaye nga nagkadugo pa sa dihang girespodihan sa atong outpost police sa Mango Ave.
Gani, sa ekslusibong pakighinabi sa Bombo Radyo Cebu Newsteam kang Jinnefer Gumape, usa sa mga nakadiskobre sa maong masuso, iyang gikabutyag nga nanilhig siya sayo sa kabuntagon ug nakamatyag siya sa maong karton nga adunay dugo.
Sa iyang pagdahom, basura ray sulod niini mao nga didto niya gilabay ang iyang basurang sinilhig, apan wala damha nga usa ka bata man diay sa dihang adunay niabot nga mga personahe nga nakasakay sa ambulanysa ang niingon nga bata ang sulod sa maong karton.
