CENTRAL VISAYAS-Nihatag og gibug-aton ang bag-ong gitudlo nga OIC director sa Land Transportation Office sa Central Visayas (LTO-7) nga si Glen Galario nga ang iyang direksyon sa palisiya magpunting sa kaluwasan sa kadalanan.
Maglangkob kini sa gipalig-on nga mga operasyon sa pagsiguro sa pagparehistro sa awto ug pag-isyu sa mga lisensya sa pagmaneho.
Gipunting usab ni Galario ang regular nga random drug testing sa mga motorista sa tibuok rehiyon.
Nag-apelar usab siya sa kooperasyon sa ubang ahensya ug LGU isip force multiplier sa LTO-7, nga matud niya, sa pagkakaron undermanned.
Sa pikas bahin, makig-alayon ang LTO sa kapulisan sa pag-imbestigar kon kinsay nakakuha og kuwarta nga nawala sa SRP.
Matod ni Galario nga andam silang i-turn over ang bisan unsang CCTV footage sa lugar nianang adlawa.
