CEBU CITY-Mibisita sa buhatan ni Cebu Provincial Governor Gwendolyn Garcia ang bag-ong tudlo nga Police Regional Office 7 Director nga si Police Brigadier General Anthony Aberin.
Atol sa courtesy visit niini, nanghinaut ang gobernadora nga magdugay sa iyahang katungdanan ang maong regional director human nga kanunay na lang mahulipan ang hepe sa PRO 7.
Si Aberin mao ang mihulip kang Police Brigadier General Jerry Bearis kinsang bag-o lang nga gibalhin sa PNP Aviation Security Group sa Camp Crame.
Kahinumdoman nga mo abot lang sa duha ka buwan ug 25 ka adlaw ang nahimong pag-serbisyo ni Bearis sa rehiyon 7 susama sa iyahang gisundan nga si Police Brigadier General Roderick Augustus Alba.
Gi-ubanan si Aberin sa iyahang kapikas nga si Melinda Aberin, Cebu Provincial Police Office Director Police Colonel Rommel Ochave ug Masbate Mayor Jay Lanete.
