CEBU – Gipasalig sa bag-ong Provincial Director sa Department of Interior and Local Government ( DILG) nga si Atty. Ian Kenneth Lucero nga magsilbi silang kaabag sa kagamhanan sa probinsiya sa Sugbo alang sa gitinguhang kalamboan niini.
Nagkanayon si Lucero nga himuon nila ang tanan aron matabangan ang mga local government units (LGU’s) sa probinsya aron mas mahimo silang epektibo sa panerbisyo sa katawhan.
Kahinumduman, nga una nang nagcourtesy call si Lucero ngadto ni Cebu Provincial Governor Gwendolyn Garcia uban sa kadagkoan sa DILG.
Samtang, mapasalamaton ang gihulipan ni Lucero nga iyaha ra usab nga asawa nga si Atty. Jhoaden Lucero sa gobernadora sa ug gikalipay nga makapanerbisyo sa katawhan sa probinsya sa Sugbo.
Kahinumduman, nga nahulipan sa posisyon si Jhoaden pagka-DILG director sa probinsya human kini na-promote pagka-assistant Regional Director sa DILG Bicol Region.
