Magpatuman ug dugang nga mga lakang ang bag-ong gitagana nga Regional Director sa Bureau of Jail Management and Penology-7 nga si Jail Chief Superintendent Luisito C. Muñoz, aron mas mapahugtan pa ang seguridad ug mahatagan og oportunidad ang mga piniriso sulod sa pasilidad.
Matud ni BJMP-7 Regional Director Luisito C. Muñoz, una nilang gitan-aw ang pagpatuman sa decongestion, welfare and development ug maylabut na sa rehabilitation nga mga programa ug hilabi na usab sa edukasyon alang sa mga “Person’s Deprived of Liberty”.
Gipaningkamutan usab sa buhatan nga magpahigayun ug mga programa alang sa mga piniriso, aron ilhon ug respetuhon ang mga katungodniini ug aron mapangandaman nila ilang kaugalingon sa paggawas sa prisohan.
Dugang pa niini, edukasyon usab ang usa sa pinakamahinungdanon nga programa nga ilang napatuman, diin adunay 2,961-ka indibidwal ang na enrolled sa Alternative Learning System.
Sa pikas bahin, ipatuman sa BJMP-7 ang pagpahugot pa sa seguridad luwas nga mga pasilidad aron walay kabalaka nga mo tumaw sa mga piniriso, dugang niini gitan-aw usab ang pagpatukod ug dugang nga pasilidad aron mas halapad pa ang espasyo sa mga binilanggo.
Padayun usab ang pagpahigayun ug mga rehabilitation programs alang sa mga PDLs nga nalabigit sa illegal nga drugas.
Samtang, nagpakatap usab ang buhatan ug 122-ka newly BJMP officers sa tagsa-tagsa ka mga jail facility.
