Pormal nang giablihan og gi-turnover sa mga opisyal sa Kagamhanang Dakbayan sa Mandaue ang bag-ong rescue center niini nga gitagana para sa buhatan sa City Social Welfare and Services (CSWS).
Nahitabo ang maong pag-abli sa bag-ong pasilidad niadtong adlaw sa Lunes, Septiyembre 29 nga gipangulohan pa ni Mandaue City Mayor Thadeo Jovito “Jonkie” Ouano nga nahimutang sa Barangay Centro sa susamang dakbayan.
Kini nga rescue center kay magdalit og safe space para sa mga na-rescue nga mga indibidwal ilabi na ang mga menor-de-edad ug mga libud-suroy sa kadalanan.
Ang istruktura kay kanhi storage facility lang sa CSWS sauna og gi-renovate kini aron mahimuslan sa buhatan nga kaniadto wala silay ispesipikong pasilidad para sa mga na-rescue nga mga indibidwal.
Milanat lang sa kapin usa ka buwan ang maong renobasyon nga nagbalor sa P400,000 nga usa sa mga prayoridad sa administrasyon sa dakbayan.
Gani gipanglantawan pang aduna pay dugang kalambuan nga ipahigayon sa pasilidad sama sa pag-procure ug mga hegda-anan ug uban pang gikinahanglang kahimanan para sa operasyon niini.
