CEBU CITY-Hingpit na nga gihulipan si Police Col. Royina Garma isip director sa Cebu City Police Office human sa proper turn over ngadto ni PCol. Gemma Vinluan.
Kini human usab nga gi-appoint si Garma ni Pangung Duterte isip General Manager sa Philippine Charity Sweepstakes Office (PCSO).
Ang bagong CCPO Director nga si Vinluan ang classmate usab ni Garma sa Philippine National Police Academy 1997.Kanhi siya hepe sa Women and Children Protection Desk (WCPD) sa Luzon.
Subay sa iyang paglingkod, una nga gibutyag niini ang pag-umol og all-female SWAT Team diin mga babaeng kusgan ang iyang i-’empower’ nga mupahigayon sa mga operasyon ug ang pagtutok sa kasong rape.
Duna usab matud pa silay programa nga “tokhang” apan kini dili para sa mga drug addict apan para sa mga rapist.
Lakip usab sa iyang plano mao ang pag-implement og mga livelihood programs para sa mga asawa sa mga pulis nga nag-sweldo og ubos sa 10 mil pesos matag buwan.
Mipasalig usab kini nga monitoron ang matag police personnel sa nagkadaiyang police station ug misaad nga walay mahitabong reshuffling.
Ug ingon man, mipahimangno usab kini sa mga police officers nga atol sa matag operasyon, dili magpanuko sa pag neutralize sa mga suspect kung musukol. (Reports)
