CEBU CITY– Gitino sa bagong hepe sa Criminal Investigation and Detention Group (CIDG-7) nga si PSSupt Lito Patay nga ang bugtong tahas sa ilang buhatan mao ang pagpanakop sa mga criminal ug mgha high value target ug mutuman sa mando sa taas.
Kini human nga nahimong kontrobersiyal si Patay sa iyang record sa Davao City diin ilado matud pa kini nga daghan ang gipatumba.
Subay na usab sa giingon ni Cebu City Mayor Tomas Osmeña nga nalakip sa iyang lista si Patay sa mga “bad cops”.
Gitataw ni Patay nga kung unsa ang nasugdan sa kanhi hepe sa CIDG-7 nga si PSSupt Royina Garma, ang kasamtangang hepe sa Cebu City Police Office iya ra usab nga ipadayon ug ila usab ihan-ay ang tanan.
Gani miingon pa kini nga peaceful ang Cebu.
Kanhi hepe si Patay sa CIDG sa Davao ug nahimog hepe sa Batasan PS.
Nasayran usab nga classmate sa PNPA si Patay ug si Garma ug pareha usab kini sila nga kanhi nadestino sa Davao.
