Gikompirmar ni Baguio City Mayor Benjamin Magalong nga gisumiter naa niini ngadto kang Presidente Ferdinand Marcos Jr. ang dokumentasyon nga nagdetalye sa pipila ka mga public infrastructure projects sa Baguio City ug tibuok probinsya sa Benguet nga gituohang adunay mga anomaliya nga gilakip niini.
Gitumbok sa mayor nga pananglitan ang pag-ayo sa mga naguba nga bahin sa Kennon Road. Bisan og paspas ang serye sa rehabilitasyon, ang dokumentasyon nga iyang gisumiter nagpakita nga kining tanan substandard.
Gawas sa bantog nga Kennon Road, daghang uban pang mga proyekto sa imprastraktura sa publiko ang nalakip sa package.
Apil na niini ang mga substandard nga proyekto sa Department of Public Works and Highways (DPWH) ug mga proyekto nga wala mapahibalo sa lokal nga kagamhanan sama sa rockshed, rock netting, cat’s eyes, solar lights ug flood control infrastructure projects.
Apil usab ang road project nga gitawag og ‘Great Wall of Baguio City’ nga gitawag sa mayor nga ‘rad to nowhere’ nga matud pa niya adunay mga anomaliya sa pagtukod niini.
Ang pagsumite sa mga proyekto moabut pipila ka adlaw pagkahuman ni Pang. Ferdinand Marcos Jr., nibisita sa Baguio City aron pagsusi sa pipila ka mga public infrastructure projects. Usa sa nag-unang mga pagsaway sa presidente mao ang P260 milyones nga gibato sa Barangay Camp 4, Kennon Road, sa lungsod sa Tuba.
Human sa panag-estorya nilang Magalong ug Pang. Marcos, ang mayor niingon nga iyang nakita ang determinasyon ug konbiksyon sa presidente nga manubag sa mga responsable sa mga proyektong pangpubliko nga imprastraktura nga makitang nabulit sa mga anomaliya o korapsyon.
