Nakasinati karon ang pipila ka bahin sa Sugbo og light to moderate rain nga gipahinabo sa trough nga dala sa Tropical Storm Ada.
Matod pa, dili kini direktang epekto kay ang nahimutangan sa maong TP adunay gilay-on nga 430 Kilometer east of Maasim, Southern Leyte, hinungdan nga indirect effect ang masinati sa Sugbo sa kasamtangan.
Mao kini ang gikabutyag ni Engr. Alfredo Quiblat Jr. ang Chief PAGASA Visayas Regional Division atol sa ekslusibong pakighinabi sa Bombo Radyo Cebu Newsteam kaniya nga sa giluwat nila nga rainfall warning system, ang sa Bantayan paingun Tuburan ang makasinati og kusog nga bunok sa uwan o yellow coded rainfall, ug ang tibuok bahin sa Sugbo, light to moderate rain lang ang masinati.
Giklaro usab ni Engr. Quiblat nga kung magpadayon nga northwest ward ang lihok sa maong bagyo, gipanglangtawan nga ugma sa buntag, Enero 17, anaa mahimutang sa Eastern Samar, diin sa maong nahimutangan, adunay distansya nga gibana-banang 400 kilometers gikan sa sentro sa bagyo padung na sa Cebu City, Mandaue City, ug Lapu-Lapu City.
Gitino usab niini nga atol sa pagpahigayon ugmang adlawa sa Fluvial Procession, aduna lay 20-40KM/H ang masinati sa Dakbayan.
Samtang sa forecast usab kabahin na sa bawd, aduna lang kini .5 meters lang, ug sa kabahin sa pag-uwan, possibleng ma os-osan ang tsansa sa pag uwan atol sa parada, apan wala gisalikway ang pagdala og mga proteksyon sa uwan sama sa payong.
Gitataw usab ni Engr. Quiblat nga atol sa Grand Sinulog sa umaabot nga Domingo, Enero 18, aduna nay kalamboan diin makasinati na og mainiton nga panahon, ug adunay 20-40 KM/H.
