Hingpit na nga gitangtang o gi-decommission sa Philippine Atmospheric, Geophysical and Astronomical Services Administration o kon PAGASA ang pangalan nga “Aghon” sa listahan sa mga dagkong bagyo sa nasud.
Human kini nagbilin og kapin sa P1 bilyones nga danyos sa mga pananom ug imprastraktura.
Basi sa lagda sa PAG-ASA nga dili na nila balikon ug papason ang ngalan sa bagyo kung mokabat sa 300 ka tawo ang namatay ug kung adunay kadaot sa agrikultura ug imprastraktura nga moabot sa P1-B.
Kahinumduman nga nahimong tropical depression ang bagyo gikan sa low pressure area sa Mindano area niadtong Mayo 24.
Mi-landfall kini og siyam ka higayon sa mga bahin sa Visayas ug Southern Luzon ug migawas sa Philippine Area of responsibility niadtong Mayo 29.
Kini ang una ug kataposang higayon nga gamiton ang ngalang Aghon human giilisan ang pangalan nga Ambo nga niretiro na usab niadtong Mayo 2020 human nagbilin og damyos nga P1.5-B.
