Padayon ang pagkuha og kusog sa Bagyong Opong diin hingpit na kining natungtong sa Typhoon category sumala pa sa state weather bureau nga Philippine Atmospheric, Geophysical and Astronomical Services Administration (PAG-ASA).
Ang Bagyong Opong, nga adunay international name nga “Bualoi” kay anaa na doul sa kadagatan sa Eastern Visayas nga mi-landfall sa San Policarpo, Eastern Samar.
Gani tungod sa kakusgon niini, aduna nay mga lugar nga nakatala og Storm Signal No. 4 sama sa Sorsogon, sidlakang bahin sa Masbate, Northern Samar, dakong bahin sa Eastern Samar ug Samar.
Samtang anaa sa Storm Signal No. 3 agn nahabiling bahin sa Masbate, Albay, kasadpang bahin sa Camarines Sur, habagatang bahin sa probinsya sa Quezon, Marinduque, Romblon, ug daong bahin sa Oriental Mindoro.
Subay niini, ang mga simbahan sa Bicol kay nag-abli na sa ilang mga pultahan aron kapasilongan sa mga residente sa ilang mga dapit.
Pipila niini mao ang Diocese of Legazpi ug Daet diin ilang gipahibalo ang abli ang tanan nilang mga simbahan, kapilya, parish halls, ug uban pang mga luwas nga pasilidad.
Giawhag niini ang publiko sa pag-ampo samtang naglawig ang bagyo padulong sa lang mga probinsya sa pagpanalipod sa kinabuhi og mga panimalay.
Ang mga Dioceses sab sa Sorsogon ug Virac ay nangandam na sa posibleng epekto sa Bagyong Opong ug pag-awhag sa ilang mga matuohon sa pag-ampo sa Oratio Imperata diin matod pa ang pag-ampo maoy ilang pinakakusgang armas batok sa katalagman.
