CEBU CITY – Napanglantawan sa Kapitan sa Barangay Paknaan sa dakbayan sa Mandaue nga si Kapitan Melquias Soco nga gikan sa bukirang barangay sa dakbayan sa Sugbo ang tubig-baha nga mutamaw sa ilahang barangay niadtung adlaw dominggo, Oktubre 4, 2020.
Matud ni Kapitan Soco nga sa panahon nga mubunok ang uwan sa mga bungtod, sigurado gayud nga mubaha sa ilahang barangay gumikan kay kadaghanan sa ilahang mga Sitio ang nahimutang sa low-lying areas.
“Dili gani mi makahibaw kay usahay init diri sa atu (Brgy. Paknaan), ug uwan adto sa Bukid. Maong dili gani ta makabantay nga mokalit og saka ang tubig ari padung sa atu ug daghan na noon ang mabiktima,” asoy pa kini ni Kapitan Soco.
Dugang pa niini nga niadtong nakalabay adlaw, mi-abot hangutd sa abaga ang tubig-baha ug hilabihan napiwersyo ug antos sa ilahang mga residente tungod adunay daghang ‘damages’ ang natala.
Hinuon, gipahibalo sa kapitan nga aduna may Riprap sa nga gitukod sa ilahang area, apan dili pa kini makapugong sa tubig-baha gumikan kay bag-o pa man kini nga nasugdan.
Subay niini, sugyot ni Soco nga magtukod ug 3-layer dam ang dakbayan sa Sugbo arun kung ugaling mobunok ang uwan, dili mo-diretso ang tubig-baha sa Barangay Paknaan.
“Mag-tukod unta og Dam ang Cebu City, among gitanaw nga tulo ka layer nga dam arun mag-regulate sa tubig nga dili modiretso og naug diri sa barangay Paknaan,” sumala pa ni kini Kapitan Soco.
PAG-RESCUE SA USA BATA NGA HAPIT NALUMOS HUMAN NAANOD SA TUBIG-BAHA
Sa laing bahin gisaysay sa naka-rescue sa mga bata nga hapit malumos human nga ni-apaw ang Butauanon River sa Brgy. Paknaan niadtong adlaw’ng Dominggo.
Sa eksklusibong pakighinabi sa Bombo News Team kang Julrey Gisulga, gibutyag niini nga naluoy siya sa duha ka bata nga naanod na sa tubig baha ug naglisod na sa pagsalbar sa ilang kaugalingon.
Sigon pa niini nga naglisod usab kini sa pagtabang sa duha tungod sa kusog nga current o sog sa tubig-baha samtang daghan usab ang naglutaw nga mga debris.
Nasayran nga igo lang unta nga mo-apas sa ilang apuhan ang mga bata kinsa nagsalbar usab a ilang lugar kung asa gihumol ang ilang gipanghimong silhig, apan nakasugat kini sa maong disgrasya. Dali hinu-on nga natabang ang mga bata hinungdan nga naka survive kini.// EKP
