Mikatap ang video sa social media ang usa ka baktin nga si “Lucky” tungod sa pagbaton niini og duha lang ka ti-il ug duha usab ang gender.
Bisan pa sa kakulangon, makalakaw ug makatindog gihapon si Lucky nga natawo niadtong Enero.
Sumala sa tag-iya nga si Maricel Holgado, si Lucky mao ang unang baktin nga natawo sa ilang baryo nga bisan og kulang sa ti-il, gusto gihapon niya molakaw ug makabalanse gamit ang duha ka ti-il sa atubangan.
Sumala ni Dr. Aris Miclat, usa kini ka kondisyon nga gitawag og Bilateral Hindlimb Amelia, nga posibleng resulta sa genetic mutation, problema sa embryo development, impeksyon, kakulangan sa nutrisyon sa inahan samtang nagsabak o pagka-expose sa toxins ug kemikal.
Gusto usab ni Maricel nga masayran ngano nga adunay duha ka kinatawo si Lucky. Sumala ni Miclat, posible nga lalaki nga pseudohermaphrodite ang baktin basi sa iyang nakita sa video.
Tungod sa kahimtang ni Lucky, daghang interesado nga mopalit kaniya apan wala kini gibaligya sa tag-iya ug gusto lang nila nga sagupon kini.
