Nisang-at si House Majority Leader Sandro Marcos sa House Bill No. 3661, nga nagtinguha sa pagdili sa mga kabanay sa mga opisyal sa gobyerno hangtod sa ikaupat nga ang-ang sa relasyon sa pagkontrata sa gobyerno.
Ang nasangpit nga balaudnon tubag sa dugay na nga mga alegasyon sa nepotismo, patronage, ug korapsyon, ug ang sugyot daw nagbugto sa kultura sa kaugalingong interes.
Giinsistir usab ni Marcos nga ang pundo sa publiko para sa katawhan, ug dili ang pagpadato sa mga paryente sa mga opisyal, o paghatag kanila og dili makiangayon nga mga bentaha.
Busa, nagtuo si Marcos nga ang nasangpit nga balaudnon usa ka lakang padulong sa usa ka gobyerno nga patas, transparent, ug tinuod alang sa katawhan.
Tungod kay alang kang Sandro Marcos, ang pagka-pangulo dili lang kay popularidad, kung dili sa pagpili sa hustong butang, bisan og dili sayon.
Samtang ang majority leader niinsistir usab nga aduna utang ang gobyerno sa matag Filipino nga magbubuhis, mao nga ang matag piso nga makolekta sa gobyerno gikinahanglang gamiton sa bug-os nga pag-amping ug integridad.
“I filed House Bill 3661, seeking to disqualify relatives of public officials—up to the fourth civil degree—from entering into government contracts. This measure is simple but crucial: to strengthen accountability, and ensure integrity in public service,” sumala sa pahayag ni Majority Leader Marcos.
