Cebu City-Gisulayan sa pagsunug ang balay ni BrgY Tejero Konsehal Jessie Lou Cadungug ganihang kaadlawon. Dali nga mirespondi ang mga residente sa dihang nakita nila nga nagkayo na ang gawas nga bahin sa tulo ka andana nga balay sa konsehal.
Matud ni Dhenbel Sebial, usa sa mga mirespondi nga sa wala pa nahuitabo ang insidente, namatiokdan niini ang duha ka motrosiklo nga dunay sakay nga tag duha ka tawo nga maoy nagdala ug mga palstic bottlles ug ilang gipangyabo sa gawas sa balay sa konsehal.
Pagkahuman matud pa nga duna na sab laing mga naka motorsiklo nga maoy nidagkot sa kayo ug gilabay sa balay.Dali nga miikyas ang mga suspek human sa insidente.
Hinuon ang duha lamang ka copmpressor sa aircon nga naa sa gawas sa balay maoy nadaot sa sunug.Nasayran nga upat ka buawan ng walay nagpuyo sa balay sa konsehal ug bisitahon lamang kini sa care taker.
Samtang arson maoy motibo sa pagsunug sa balay ni Konsehal Cadungog. Matud ni SFO1 Ariel Balajadia, ang imbestigador nga gituyo gayud ang maong insidente.
Dakong tabang matud pa sa ilang imbestigasyon ang nakuhang CCTV footage sa lugar apan dili man maklaro ang nawong sa mga suspek gumikan kay nakasuot sila og bonnet. Nakita usab sa luagr ang usa ka tuhaw nga maoy posibleng gilabay aron makasulod ang kayo sa balay sa biktima.
Samtang, magpahigayon ug panagpulong si Konsehal Jojo Lao, ang chairman sa committee on Peacer and Order sa konseho sa Brgy Tejero aron nga mapahibaw usab sa iyahang mga sakop ang nahitabo ug maalerto usab sila.
Pa rovingan usab matud pa niini ang vicinity sa balay sa konsehal ug uban pang dapit sa ilang barangay.
