Mitungtong sa historic low ang balor sa Philippine peso batok sa US dollar atol na sa pagsirado sa trading niadtong Miyerkules, Nobyembre 12.
Anaa ang balor karong sa P59.17 matag US $1 nga mas ubos kaysa sa P59.13 niadtong Oktubre 28.
GIhulagway ang piso isip worst performers sa rehiyon sa Southeast Asia karong buwana.
Ang ulahing higayon nga mitungtong kini sa P59 matag $1 kay kaniadto pang Disyembre 19 sa nakalabayng tuig.
Usa ka kanhing opisyal sa Bangko Sentral ng Pilipinas (BSP) miingon nga ang dili maayong panggobyerno ang nakapahadlok usab sa mga tigpamuhunan, nga nakaapekto sa bili sa piso.
Ang pag-ubos sa bili sa piso adunay dakong epekto sa daghang sektor. Samtang ang mga pamilya sa mga OFW makabenepisyo gikan sa pagdawat og dugang piso kada dolyar nga gipadala, ang mga importasyon mahimong mas mahal usab sama sa fossil fuel nga gipalit gamit ang dolyar.
Ang mas huyang nga piso nagpasabot usab nga ang pagbayad sa mga utang sa gawas sa nasud mahimong mas mahal.
