CEBU CITY — Gihidlaw sa lawasnong kalipay, bana gustong maka-iskor sa asawa, apan nabalibaran, hinungdan nga gisunog ang ilahang panimalay sa Sitio Lower, Barangay Manlapay, lungsod sa Dalaguete.
Giila ang mister nga si Jim Imban, 40 anyos, walay trabaho ug nagpuyo sa naasoy nga dapit.
Gisaysay ni Police Executive Master Sgt. Jorame Tanudtanud, ang imbestigador sa Dalaguete Police Station, nga nagpakitabang kanila ang asawa sa suspek nga si Rosemarie Imban human nga gida-uban sa iyahang bana ang ilahang panimalay.
Matud pa nga hubog ang suspek ug gustong maka-iskor, apan mibalibad si misis, hinungdan nga nahitabo ang pagsunog sa panimalay.
Nasayran nga kanunay na nga mag-away ang magti-ayon gumikan sa kapalahubog sa mister ug mangulata pa kini hinungdan nga milikay na si misis.
Kasong arson ang ipasaka batok sa suspek, kinsang nagtingkagol na karun sa Dalaguete PNP lockup cell.
