Gipadakop sa asawa ang iyang kaugalingong bana tungod sa sige og panawag ug miabot pa sa kapin 100 ka higayon sulod lang sa usa ka adlaw.
Ang 31-anyos nga babaye nga taga Amagasaki, Hyogo Prefecture kay wala na makaagwanta tungod sa sigeg ring ang iyang cellphone.
Matud pa niini nga matag higayon nga iya kining tubagon dali dayon kini niyang patyon nga walay daghang istorya.
Ingon man nga gidudahan na niini ang iyang bana ug misangpot na kini sa pagpangayo og tabang ngadto sa kapulisan.
Pinaagi sa imbistigasyon nasayran nga ang stalker kay iya ra diay nga kapikas.
Daling gidakop ang 38-anyos nga bana ug nag-atubang sa kasong ‘violation of the Stalking Prevention Act’ ug gani sa dihang gipangutana ang dinakpan, igo lang kini miingo nga ‘tuman gihigugma lang niya ang iyang asawa.
