Aduna na’y impormasyon ang mga awtoridad bahin sa nahimutangan sa kanhi hepe sa Bureau of Corrections (BuCor) nga si Gerald Bantag.
Gipahibalo ni BuCor Director General Gregorio Catapang nga adunay sila’y impormasyon nga si Bantag nagtago sa Kalinga ug gipanalipdan sa iyang tribo.
Nag-amping pag-ayo ang mga awtoridad tungod kay ang pag-aresto kaniya mahimong magdala og dakong hulga sa seguridad.
Gitino usab niini nga sa matag tribo, husto ka man o sayop, panalipdan ka gyud nila, mao nga nag-amping pag-ayo ang mga awtoridad aron malikayan ang bisan unsang madugoon nga komprontasyon.
Aron malikayan ang panagbangi tali sa mga tribo, gikinahanglan sa mga awtoridad ang hustong tiyempo ug lugar sa pag-aresto kang Bantag, ilabi na sa mga hilit nga dapit.
Kahinumduman nga si Bantag giakusahan nga mao ang mastermind sa pagpatay sa broadcaster nga si Percy Lapid niadtong 2022.
Matod pa, ang nadakpan nga gunman nagtudlo kang Jun Villamor, kinsa detenido sa New Bilibid Prison (NBP), isip tigpataliwala sa maong pagpatay.
Apan pipila ka adlaw human niini, si Villamor nakit-ang patay sulod sa New Bilibid Prison.
