Gikasohan ang si Barangay Captain Arnold Arcipe, ang Barangay Kapitan sa Brgy. Dayhagon sa Lungsod sa Medellin tungod sa pagputol og punoan sa Lubi.
Gipasakan og kaso si Arcipe sa buhatan sa Philippine Coconut Authority tungod sa pagpaputol og upat ka punoan sa lubi.
Nahitabo ang insidente niadtong Abril 14, 2025 sa Sitio Poster Village, Maravilla, Tuburan, diin upat ka punoan sa lubi ang giputol.
Nanag-iya usab si Arcipe, og security agency, nag-ingon nga wala siya nagdumala sa pagputol sa mga kahoy. Apan, upat ka mga saksi ang nag-tudlo kaniya isip responsable sa insidente.
Matud ni Jhondom Domagtoy, ang pangulo sa Philippine Coconut Authority Cebu, nga usa sa mga nakalimtan sa mga kapitan nga ang ilang gahum sa Barangay dili absolute, hilabi na sa hisgutanan sa kalikupan ingun man pagpamutol sa mga punoan sa lubi gumikan kay aduna kini permit.
Ang kaso gipasaka sa Provincial Prosecutor’s Office, nga nagrekomendar nga ang kaso i-elevate sa Municipal Trial Court sa Cities Tuburan-Tabuelan.
Mokabat ang pyansa sa ₱36,000, apan walay warrant of arrest nga gi-issue human ang abogado ni Arcipe nagsang-at og motion for reconsideration. laing indibidwal usab nga kauban ni Arcipe ang gipasakaan og kaso, samtang adunay laing nalambigit ang wala maapil sa rekomendasyon.
Kung makonbikto ang opisyal, possible kining mabilanggo nga dili mo ubos sa 6 ka tuig og makamulta nga mokabat sa P1 Million, og posibleng mag-atubang og perpetual disqualification.
